କେବେ ଦିନେ ଅଚାନକ (ଆଧୁନିକ କବିତା) - ଫିରୋଜ କୁମାର ପଟେଲ


କେବେ ଦିନେ ଅଚାନକ..❤️

କେବେ ଦିନେ ଅଚାନକ
ତୁମ ଆମ ସବୁ ସମ୍ପର୍କ କୁ
ଅକାରଣେ ଛାଡପତ୍ର ଦେଇ 
ଫୁର କିନା ଉଡିଯିବି..
ନୂଆ ଏକ ଇଲାକାର ସନ୍ଧାନେ ।

ନିତି ଦିନର କେଁ କେଁ ରେ
ପୂର୍ଣ୍ଣଛେଦ ପକାଇ
ତୁମ ଇଛା ର ସ୍ୱାଧୀନତା
ତୁମକୁ ସମର୍ପି ଦେଇ
ମୁଁ ବି  ଆଗେଇଯିବି
ନିଜତ୍ବ ର ସନ୍ଧାନେ ।

ସବୁ ବସନ୍ତ ପଲ୍ଲବୀ କୁ
ଆଣିଦେବ ସିନା,
ନୂଆ ଡାଳେ ବସି କୋଇଲି
ମୋର ହିଁ କବିତା ଗାଇବ ବୋଲି
ମାନେ କିଛି ନାହିଁ
ଛିଣ୍ଡା କବିତାର ଅଛିଣ୍ଡା ପଦରେ
ଅର୍ଥହରା ଶବ୍ଦ ଆଉ
ଯୋଡୁଥିବି କଣ ପାଇଁ ?
ବରଂ ଲିଭିଯାଉ
ଲୁଚିଯାଉ ସବୁ କାହାଣୀ
କଳଙ୍କିତ ଇତିହାସ ହେବାର
ଇଚ୍ଛା ମୋର ନାହିଁ ।

ତୁମେ ଏବେ
ଅଚିହ୍ନା ହୋଇ ରହ...
କେବେ ଦିନେ ପୁଣି ଭେଟ ହେବା
ଚିହ୍ନା ଚିହ୍ନା ଭାବ ନେଇ
କେବେ ଦିନେ ଅଚାନକ...


- ଫିରୋଜ କୁମାର ପଟେଲ
ଅବନକେଲା ,ସୁନ୍ଦରଗଡ-19

******

ସମ୍ପାଦକ - ଜିତେନ୍ଦ୍ର ସେଠ 

(Admin - www.loveodia.com)

(ଆମର ଏହି ୱେବ୍ ସାଇଟ୍ ମାଧ୍ୟମରେ ଯଦି ଆପଣ ବି ଆପଣଙ୍କର ଲେଖା କବିତା, ଗଳ୍ପ କିମ୍ବା କାହାଣୀ ଗୁଡିକୁ ପାଠକ ମାନଙ୍କ ଆଗରେ ପହଞ୍ଚାଇବାକୁ ଚାହାନ୍ତି ତେବେ ଆଉ ଡ଼େରି ନକରି ଆମ ସହିତ ଯୋଗାଯୋଗ କରନ୍ତୁ ।  ଆପଣଙ୍କର ଲେଖା ସହିତ ସମ୍ପୂର୍ଣ୍ଣ ଠିକଣା, ମୋବାଇଲ୍ ନମ୍ଵର ଏବଂ ସାଥିରେ ଏକ ପାସପୋର୍ଟ ସାଇଜ୍ ଫଟୋ ଉକ୍ତ ଠିକଣାରେ ଇ.ମେଲ୍ କରନ୍ତୁ । ଆମର ଇ. ମେଲ୍ ଠିକଣା ହେଲା - loveodia999@gmail.com


(ବିଶେଷ ସୂଚନା - ଲେଖାଟି Text Format ରେ ପଠେଇବେ ।  ଯଦି ଲେଖାଟିକୁ କାଗଜରେ ଲେଖି କିମ୍ବା ବହିରୁ ଫଟୋ ଉଠାଇ ପଠାଇଲେ ଗ୍ରହଣ କରାଯିବ ନାହିଁ) 

Post a Comment

0 Comments