କାଉଁରୀ କନ୍ୟା (କବିତା) - ପଙ୍କଜିନୀ ଉପାଧ୍ୟାୟ

କାଉଁରୀ କନ୍ୟା


ଷୋହଳ ବୟସୀ ଅନୁଢା କିଶୋରୀ
ଆଖିରେ ଆଖିଏ ସ୍ବପ୍ନ
ବୟସ ବସନ୍ତେ ଉଛୁଳା ଯୌବନ
ସପନ ଜୀବନ ମାନ ।

ସର୍ବାଙ୍ଗ ଶରୀରେ ଭାବର ତରଙ୍ଗ
ସବୁ ପ୍ରୀତି ପାର୍ବଣର
ଚଳଚଞ୍ଚଳ ତା ଜୀବନର ଗତି
ଅପୂର୍ବ ଭାବ ସମ୍ଭାର ।

ଆଖି କଥା କହେ ଓଠ ଥରୁଥାଏ
ସ୍ମିତହାସ୍ୟ ଥାଏ ମୁଖେ
ଗଜଗମନୀ ତା ଚାଲିର ଛନ୍ଦରେ
ପଦ୍ମଫୁଲ କିଏ ଦେଖେ ।

ଅଣ୍ଟାଭଙ୍ଗା ତାର ନର୍ତ୍ତନର ଛନ୍ଦ
କୋଟି କନ୍ଦର୍ପକୁ ଜିଣି
ସ୍ବପ୍ନର ସଉଧ ଆଶା ହେବ ସିଦ୍ଧ
କିଏ ନେବ ମନ କିଣି ।

ଏତେ ସ୍ବପ୍ନ ସବୁ ସଜାଇଲା ପରେ
ହେଲେ ମୃତ୍ୟୁର ପଥିକ
କୁଆଁରୀ ମନର ସ୍ବପ୍ନରାଜି ମାନ
ଅତୃପ୍ତ ଆତ୍ମା ପ୍ରତୀକ ।

ବୁଲେ ଏଣେ ତେଣେ ମଶାଣି ଭୂଇଁରେ
ଖୋଜେ ସେ ରାଜକୁମାର
ସମର୍ପି ଦେବ ସେ ହୃଦୟକୁ ତାର
ଅନୁଢା ସମ୍ପତ୍ତି ତାର ।

ବାତୁଳ ପରାଏ ଅତୃପ୍ତ ପରାଣ
ଘନ ବିଭାବରୀ ବେଳେ
କେତେବେଳେ ହସ କେତେବେଳେ କାନ୍ଦ
ମଶାଣି ଜୁଇର କୋଳେ।

ସବୁ ସ୍ବପ୍ନ ତାର ପଡୁଥାଏ ଝଡି
ଏକାନ୍ତ ନିଶିଥ ସାଥି
କୁଆଁରୀ ମନର କଅଁଳ ସପନ
ଫେରନ୍ତା କି ତାର କତି ।

- ପଙ୍କଜିନୀ ଉପାଧ୍ୟାୟ
ଯାଜପୁର

********

ସମ୍ପାଦକ - ଜିତେନ୍ଦ୍ର ସେଠ 

(Admin - www.loveodia.com)

(ଆମର ଏହି ୱେବ୍ ସାଇଟ୍ ମାଧ୍ୟମରେ ଯଦି ଆପଣ ବି ଆପଣଙ୍କର ଲେଖା କବିତା, ଗଳ୍ପ କିମ୍ବା କାହାଣୀ ଗୁଡିକୁ ପାଠକ ମାନଙ୍କ ଆଗରେ ପହଞ୍ଚାଇବାକୁ ଚାହାନ୍ତି ତେବେ ଆଉ ଡ଼େରି ନକରି ଆମ ସହିତ ଯୋଗାଯୋଗ କରନ୍ତୁ ।  ଆପଣଙ୍କର ଲେଖା ସହିତ ସମ୍ପୂର୍ଣ୍ଣ ଠିକଣା, ମୋବାଇଲ୍ ନମ୍ଵର ଏବଂ ସାଥିରେ ଏକ ପାସପୋର୍ଟ ସାଇଜ୍ ଫଟୋ ଉକ୍ତ ଠିକଣାରେ ଇ.ମେଲ୍ କରନ୍ତୁ । ଆମର ଇ. ମେଲ୍ ଠିକଣା ହେଲା - loveodia999@gmail.com


(ବିଶେଷ ସୂଚନା - ଲେଖାଟି Text Format ରେ ପଠେଇବେ ।  ଯଦି ଲେଖାଟିକୁ କାଗଜରେ ଲେଖି କିମ୍ବା ବହିରୁ ଫଟୋ ଉଠାଇ ପଠାଇଲେ ଗ୍ରହଣ କରାଯିବ ନାହିଁ) 

Post a Comment

0 Comments