ମୋ ଗାଁ ତାଳବସ୍ତ (କବିତା) - ପ୍ରଶାନ୍ତ କୁମାର ମିଶ୍ର

 

ମୋ ଗାଁ ତାଳବସ୍ତ

ଗାଆଁ ନୁହେଁ ଆମ ଜନମ ଭୂଇଁ ସେ 

ଜନନୀଠୁଁ ମହିୟସୀ ,

ତା' ଜଳ ବାୟୁରେ ବଢିଛେ ଆମେରେ

ତା'କୋଳରେ ଯିବା ମିଶି ।।

ମସ୍ତକେ ଶୋଭିତ ଶୁଭ୍ର ଖଣିଜ

ଚରଣେ ଯା'ରଣନଈ ,

ସୁ୍ଜଳା ସୁଫଳା ଶସ୍ୟ ଶ୍ୟାମଳା

ଅବିନାଶୀ ପୁଣ୍ୟଭୂଇଁ ।।

ଚାରିପଟେ ଦେବା ଦେବୀଗଣ ରହି

ଦିଅନ୍ତି ଅମୃତ ଦୃଷ୍ଟି  

ତା ' ବକ୍ଷେ ଖେଳନ୍ତି କେତେକେତେ ଜୀବ

ପୁଣି ନୂଆ ହୋ'ନ୍ତି ସୃଷ୍ଟି ।।

ଉତ୍ତର ଦିଗରେ ବାବା କପିଳେଶ୍ୱର 

ଦକ୍ଷିଣରେ ଅଛି ମାଆ ,

ଚାରି ଦିଗୁ ଅଛି ସୁରକ୍ଷିତ ହୋଇ 

ତାଳବସ୍ତ ତାର ନାଆଁ ।।

କେତେ ମାନ୍ୟ ଗଣ୍ୟ ଦେଇଛି ଜନମ

କୋଳ ତା'ର ପୁଣ୍ୟଗର୍ଭା ,

ଅମୃତ ସମାନ ସୁଶୀତଳ ଜଳ 

ଦେଇ ପାଳୁଥାଏ ସଦା ।।

ଗ୍ରୀଷମ ସମୟେ ଆମ୍ବର ମହକେ 

ହସୁଥାଏ ତୋଟାମାଳ ,

ଶରତ ସମୟେ ନଈ ପଠାପରେ 

କାଶତଣ୍ଡୀ ରଚେ ଖେଳ ।।

ବ୍ରାହ୍ମ ମୁହୂର୍ତ୍ତରେ ଘଣ୍ଟ ଘଣ୍ଟି ନାଦେ 

ଉଛୁଳେ ନଭ ମଣ୍ଡଳ ,

ହରି ଧ୍ୱନି ଶୁଣି ଉଠନ୍ତି ତ ଗୁଣି 

ପୁରି ଉଠେ  ମାଆ କୋଳ ।।

ସଞ୍ଜ ନଇଁଗଲେ ଚନ୍ଦ୍ରମା ଉଇଁଲେ

କୁଆଁରୀ ରୂପ ଟି ତାର ,

ମୋ ଗାଆଁର  ମାଟି  କୋଳେ ଯାଏ

ଲୋଟି ସରଗପୁରୀ ଏ ମୋର ।।

- ପ୍ରଶାନ୍ତ କୁମାର ମିଶ୍ର (କୁନୁ)

ତାଳବସ୍ତ, ବାଙ୍କୀ, କଟକ

ସମ୍ପାଦକ - ଜିତେନ୍ଦ୍ର ସେଠ 

(Admin - www.loveodia.com)

(ଆମର ଏହି ୱେବ୍ ସାଇଟ୍ ମାଧ୍ୟମରେ ଯଦି ଆପଣ ବି ଆପଣଙ୍କର ଲେଖା କବିତା, ଗଳ୍ପ କିମ୍ବା କାହାଣୀ ଗୁଡିକୁ ପାଠକ ମାନଙ୍କ ଆଗରେ ପହଞ୍ଚାଇବାକୁ ଚାହାନ୍ତି ତେବେ ଆଉ ଡ଼େରି ନକରି ଆମ ସହିତ ଯୋଗାଯୋଗ କରନ୍ତୁ ।  ଆପଣଙ୍କର ଲେଖା ସହିତ ସମ୍ପୂର୍ଣ୍ଣ ଠିକଣା, ମୋବାଇଲ୍ ନମ୍ଵର ଏବଂ ସାଥିରେ ଏକ ପାସପୋର୍ଟ ସାଇଜ୍ ଫଟୋ ଉକ୍ତ ଠିକଣାରେ ଇ.ମେଲ୍ କରନ୍ତୁ । ଆମର ଇ. ମେଲ୍ ଠିକଣା ହେଲା - loveodia999@gmail.com

(ବିଶେଷ ସୂଚନା - ଲେଖାଟି Text Format ରେ ପଠେଇବେ ।  ଯଦି ଲେଖାଟିକୁ କାଗଜରେ ଲେଖି କିମ୍ବା ବହିରୁ ଫଟୋ ଉଠାଇ ପଠାଇଲେ ଗ୍ରହଣ କରାଯିବ ନାହିଁ)